قصة حقيقة

السلام وعليكم ورحمة الله وبركاته


القصة
لي صديقة من ايام المدرسة
هي
تكبرني بسنه كانت علاقتي بيها مجرد سلام بس اعرف عنها هواي شغلات عائلتها
تتكون من اب وام واخو واحد سته بنات وابوها موظف راتبهم على كدهم وحالتهم
كلش تعبانه يعني الظرف صعب والحياة اصعب
في يوم سمعت ان اخوها دخل سجن الاحداث بسب جريمة سرقة
بعد
فترة انقطعت علاقتي بيها لان هي تخرجت من الاعدادية وراحت معهد بعد سنه
التقيت بيها بالمعهد صدفة طلعت نفس قسمها البينية كانت غاية بالروعة والادب
والاخلاق والله عمرهه ما زعلت احد
المهم شفتها عير شكل ويعني معالم
الغنى مبينه عليها كلت اي الله انعم عليهم و اخيرا ارتاحوا ظلت يوم بعد يوم
تظهر عليهم شغلات يعني كلام الناس انا ما صدكت لان اعرف البنية شلون نزيهه
كلت اكيد اهلها مثلها طلع اخوها من السجن وراها بسنه تقريبا سمعت ابوها
توفى سالنها عن سبب الوفاة كالت تعبان ورجال كبير المهم ورها بكم يوم توفى
اخوها
رحنه وسالنه طلع اخوها مصاب بمرض (السل ) التدرن اصاب بيه من
السجن الحافظ الله المهم كالنلهم ليش ما عالج لان هذا المرض بسرعة يتعالج
تعرفون ليش ما عالجوا ؟؟؟ لان امه تكول ما اريد اشمت عمامهم بينه ابن عمتهم
دكتور توس لامها بس انطيني الولد اعالجه ما قبلت كالتله عالجة بيالبيت
سوله غرفة حجر صحي بس شنو الفايدة هو ينتقل عن طريق النفس اول واحد تاثر
بيه هو الاب لان مناعته ضعيفة
وبعد ما توفى الاب والاخو تاثرنه بيه
البنات الوسطانيات وحدة بالرابع اعدادي عمرها 17 سنه والثانية 19 سنه سنه
اول كلية ادارة واقتصاد قسم ادارة اعمال وراه شهر توفت وحدة ولحكتها
الثانية بعد اسابيع اجت الصحة حتى تكافح المرض ما قبلت الام تطلع من البت
ولا قبلت احد يطلعها منه بعدها توفت بنتها عمرها 25 سنه و وانا كنت ويه
صديقتي على خط قاطعتهم كل الناس ويخافون يتقربولهم قبل شهر تقريبا انقفل
نقال صديقتي وحتى ع الارضي ما يجاوبوني
كلت اخاف انتقل من بيتهم هسة قبل كم يوم سمعت بخبر وفاتها بس ردتت اموت والله
تعرفون منو بقى من هذا البيت الام وبينه صغيرة عمرها 7 واخت الاكبيرة المزوجة
تدرون ليش انتهت هذة العائلة
اتضح ان ابوهم كان ياخذ مالحرام بحكم عمله بالميناء وياخذ ربا من الناس وشكد نصحوا ما انصح وايضا كانوا يغشون بالميزان
اعرف
هذا مو مكان ها الموضوع بس حبيت ينزل بهذا القسم حتى اكول لكل الناس الله
موجود وفوك الراس ولا تتوقعون الله غافل شكد استمر حال الغنى بعدين تلف
عائلة باكملها
الي يحبني يقرا سورة الفاتحة لعلياء ويدعي من الله يرحمها برحمته والله ما اذته
الله ينور قبرها يارب