انا مين؟
أنا فين ؟
أنا مِنك
أنا فيكي
أنا الحاجات الطاهرة حواليكي
مانا من زمان ليكي
أنا خيط أبيض
دايب ف لفة الطرحة
أنا الشَعر اللي يوم ما اتستر
أنا طِرت م الفرحة
أنا نفسِك الصالحة
أنا وردة تضحكلك
على طرف فستانِك
و درع يحميكي
من قرّ حُسّادِك
عود أخضر
ف ركن الأوضة عشقانِك
أنا علشانِك
أنا مُصحفِك
أنا سبحة لولى تذكَّرِك
أنا قلبك الهادي
أنا ضِلِّك النادي
أنا طُهر من طُهرِك
صَفو راسم من سنين صورتِك
ساعة الآذان ضُهرِك
وكسوف وحُمرة وخجل
فارس و ليكي
من على حصانه ارتجل
لما لمح نورِك
من هيبة الموقف
أنا اللي بربي
كل يوم باحلِف
إنك كما أنزل
كما شائلِك
كما قدّر
كما كاتب ف سورة النور
م انا برده سورة النور
أنا مهما الف و ادور
ما هلاقي يوم زيِّك
أجمل بنات حيِّك
صُفَح العفاف طيِّك
و هقولك يا صبيّة انا مين
أنا المطر
يروي الحجر
يطرح قلوب المسلمين
أنا لمسة لو تلمس عكار
تصفي روح المؤمنين
أنا الحجاب
و الاحترام
و الدين
.....

تسلمـ ايدكــ حبيبتي

كلمآآت من ذهب

شكرا لك حبيبتى
رؤؤؤؤؤؤؤؤعة