بسم الله الرحم الرحيم
انا بستخدم زيت جوز الهند بقالى فترة طويلة جدا .بجد زيت رائع و نتيجته حبلوة اوى كمان مش غالى اوى مثلا زى زيت الارجان بس مفعولة كويس اوى .
انا شعرى من النوع العادى .
و كمان زيت ناجح جدا بيعمل مفعول مع كل انواع الشعر
بيطرى الشعر بيخلى فيه لمعة و يخليه انعم و اقوى ضد التساقط
اللى انا بستخدمه دايما و بيجب احسن نتيجه هو جمام الزيت الساخن احسن كتير من الكريم و زيت التصفيف
لو عايزة تعرفى انه الاصلى هتلقيه فى الشتا بيكون جامد شوية و لما تيجى تحطيه على ايدك بيسيح فيها و تحسى انه سخن شوية بسيطة و فى الصيف بيكون سائل و سخن
على اليد
ممكن تستخدميه كورس علاج للشعر مرتين فى الاسبوع لمدة شهرين و هتلاقى فرق او مرة واحدة حسب استجابة الشعر .
طريقة الاستخدام
تعملى لشعر حمام زيت به بس مش تغمريه اوى لانه زيت مش زى الكريم و تنامى به و لكا تصحى تغسلى شعرك بشامبو تكونى مرتاحة له و بعد الحمام بشوية مش و الشعر مبلول تدهنى شعرك بزيت يكون كويس للتصفيف زى املا و تصففى شعرك
هتلاقى فرق كبير ان شعر هيكون طرى و ناعم اكتر من الاول و بيقاوم التساقط و تعمليه اى تسريحة تحبيها و بيخلى الشعر ناعم طبيعى مش مصطنع زى الى مكواه او الفرود .
نسيت اقولكم بعد ما تصففى شعرك لفيه بشكل كويس عشان ميتكسرش . اخر كرة كنت مشترياه من اوريفلام كان 100 مل ب 30 ج بس كان اصلى بجد و ممنك تلاقو انواع ارخص منكدة بس اشتروا اللى تثقوا فيه و مضمون عشان يجيب نتيجة
اىسؤال انا متابعة الموضوع و الردود هرد عالطول ان شاء الله
منقووووووووول للافادة
