[size=32]

[size=32][size=32]طريقة سهلة وبسيطة للكيك الاسفنجى

تعالوا اتفرجوا اول على تورتتى وبعدين نشرح بالتفصيل


[/size][/size]


المقادير دى يابنات زى مقادير المحلات
واهم حاجة فى نجاح الكيكة محسن الكيك وبتجبية من عند العطار ومش مكلف خالص
وكمان بتضربى فى الكيكة براحتك ومتخافيش لا الهوى يطلع وتبوظ




المقادير 
6 بيضات *** كوب سكر مش مطحون
كوبايتين دقيق *** كوب ماء
فانيليا ومعلقة صغيرة بكنج بودر
واهم حاجة معلقة كبيرة محسن كيك

الطريقة يا حلوين
هنضيف كل المقادير على بعضها 
اللى هى السكر والبيض والماية وتكون دافية والفانيليا ومحسن الكيك
وهاتيك يا ضرب فيها ماترحمهاش لغاية ما تتقل وتملى الطبق ومتخافيش ان شاء الله مش هاتهبط
طبعا لازم مضرب كهربى
وطبعا تكونى ناخلة الدقيق والبكنج بودر
وتضيفى شوية بشوية وانتى بتضربى بالمضرب على السرعة الهادي
ومتخافيش مش بتهبط ولا بتتعبك خالص
وتكونى مسخنة الفرن من قبل ماتشتغلى وتدخليها تقريبا على حرارة 200 او على حسب فرنك
التورتة الاسفنجية بتحب الحرارة الهادية بس مش هادية اوى يعنى
واوعى تفتحى الفرن قبل تلت ساعة وتكون فتحة صغيرة ولما تستوى اقلبها على منخل سلك
وسبيها تبرد خالص وبعدين قطعيها وزوقيها طبعا كل واحدة وزوقها

اسيبكوا بقى مع الصور



[/size]

واللى هاتقيم ليها من التورتاية دى كلها

اما اللى هاتكسل تقيم مش خسارة فيها الطبق دة
ماهو اصل كلوا عندنا كسبان

وانشاء الله تكلوها بصحة وهنا ♥