جمان; بابا ما بيجي بكير
و تعودنا عالتاخير
و لو حبينا نشوفو شوي
بيزعل و ابصر شو بيصير
لمى; ماما بتقلي بس
شوي ببابا يلا نحس
مش بابا بيتعب كتير
اقعدي واسكتي يلا هس
زينة: احنا صرنا جوعانين
نستنى فبابا و ساكتين
قاعدين عالسفرة بنتمتم
احنا والله مساكين
لمى: بابا تعب ماما و غلبها
و بفرح بس بابا يفرحها
و بتدايق لما بيزعلها
احنا والله طيوبين
زينة; برجع بابا و بقعد جنبو
بتدفا بحنية قلبو
و بتغطى بحنانو و قربو
طيبة قلبو و كلو حنين
جمان: من ماما و بابا رايقين
ماما القلب و بابا العين
بدعي ربي و شو بتمنى يحفظهم هوما لتنين
