[center]
القصيدة بعنوان((أي عراقي))للشاعر باسم البديري
هنالك برنامج في العراق اسمه ((شاعر العراقية)) يشترك فيه 18 محافظة من محافظات القطر وكل محافظة يشارك فيها 15 شاعراً والفائز يمثل محافظته ويختار من الشعراء(دارمي_ابو ذيه_قصيدة) والاجمل في جميعها يعتبراً فائزاً ويتأهل الى النهائي..
__________________________________________________ _________
هذا القصيدة فاز فيها الشاعر ((باسم البديري)) صديقي ورفيقي في الحياة والميدان الشعري((أنا حسين الكناني))
التمس عذراً, يشيلت امي يل تغفه اعله ريحتها الفخاتي
وياجموع أشواكنا المتعلكه ترجيه اعله ذانات الوهم
من كل جرح,من كل الم,من كل همس:التمس عذراً
لكن...أتسأل هل انا فعلاً عراقي؟؟؟؟؟؟؟؟؟؟؟؟؟؟؟
أي عراقي لايخالطني غبار بمتياز من الصريفه
وعمري كله امشيته وحدي لايرافكني سلاح
ولاامشط برصاص ولاتزامطني قذيفه
وبس تراب العمه البيهن,,,,
هاي ايدي كل وكت ظلت نظيفه
وعام عام يمرنا عوز ودوم اضحي
واشتري العشره الشريفه,,
ولساني متغطي ضوه ب حر الكلام
وفوك لساني روح وجوه روح
وبس تمر ريحة صدك ينكشف سيفه
واليراويني ابتسامه يترس اعيوني جميل
وينده بكلب سوالف تمطر الشوك اعله كيفه
وبمحطات الدعايه ماافكر اصيرن مطرقه لحجي الخليفه
وماكلت ماعون رشوه,,ومن تناديني
ومن تناديني كصايب خرمشو خيمتها كلي انتفض نخوه
ودي اشيلن كل حزن بعيون امي
حتى ارسم كحل لعيون الحبيبه
ادعي كل الناس للحب والسلام
وعلى الزغير,,الزغير ايلمنا كلنا
وخلي اتكول الناس غيره من الحمام
ووكون احبك يلفاتحتنا وياحبيبي تصير في مسك الختام
