الدلووعة تقول لكم .. الوداع ..

تذكير بمساهمة فاتح الموضوع :

السلام عليكم و رحمة الله و بركاته

كيفكم ؟ شو اخباركم ؟

المهم....

انا من مدة اتخذت قرار نهائي بخصوص شي كان لازم اعمله من زمان ...

و اليوم اجا وقته لحتى اعلنه فيه J انا بعرف ان اغلبكم مستغربين من شخصيتي الغامضة يعني اني مش مختلطة معكم ما ببعتلكم رسائل لحتى اتطمن عليكم مثلا و هيك شي

و الصراحة هالشي ينطبق ع الادارة كمان بقصد من هالكلام انكم ما تدخلوا ع الشات تطمنوا على العضوات و تحكوا معاهم و تستفسروا منهم اذا كان في مشاكل ما بينهم و بين عضوات تانية >>> و هاي اول سلبية شفتها بالمنتدى بصفة عامة و بالادارة بصفة خاصة و كلامي ما بيقصد مديرة او 2 لااااء ابدن من شيماء لآخر مديرة ضفتوها لكم

المهم هاذي مش السيرة اللي بكلمكم فيها

بكل صراحة و راحة انا ...

انا اعاني من اعاقة وراثية يعني جليسة كرسي متحرك ... شو مستغربين من هالشي !!!!!

لا تستغربوا ابدن لان كانت بيناتكم جوهرة و ما كنتوا منتبهين هههه

اليوم انا اعلن انسحابي النهائي من المنتدى و لا تترجوني مشان ابقى لان هذا قرار نهاااااائي

لاني خلص كرهت هالمنتديات و كل شي وعععع 4 سنوات بالمنتديات و الخرابيط

ابدعت فتألقت في كل شي تعرفت ع صديقات لا يمكن اني انساهم بحياتي بس للاسف في منهم من رحلوا و مابقى منهم الا الذكريات و في منهم من دامت و ستدوم صداقتنا للابد و هذا اروع من كل شي J

و كمان ممكن اني اسافر للاردن و اعيش هناك لوحدي بس البابا معقد الوضع شوي بسبب اعاقتي و كمان احسه ما يحب يطلع برات البلد .. و يارب يوافق ع كل شي بدي اياه و اطلبه منه

و هلأ بدي اختم كلامي بشكر لثلاث بنات اعتبرهم متل اخواتي و اكتر من اول ما تعرفت عليهم حبيتهم بس ما بعرف هيك بحسهم مو عاطييني أي قيمة عندهم او أي حب بقلوبهم

مريومة و دمدومة و صفوشة

حبيتكم من كل قلبي بس متل ما قلت ما شفت أي اهتمام منكم الي يَ مريم و ديمة L

صفوووووشتي ي عزاوية انتي من زماااان عنك اشتقتلك هوااااااااية و بتمنى تكوني بخير و لو رجعتي للمنتدى مرة تاانية اتمنى تفتحي حساب ع الفيس او التويتر

كل البنات اللي اعرفهم ببالاسماء فقط كك:شيماء هدى امل هاجر احسان آمنة سارة نسرين رندة سارة الاردنية هاجر المغربية ميسون نور بشرى سحر اكرام اماني منة روميسااء و باقي البنات اللي ماذكرتهم

آسفة اذا كنت زعلتكم شي مرة او ازعجتكم بكلامي >>> مع اني متأكدة ان ولا مرة عملت شي يضايقكم مني ما عدا شيماء فبتمنى تسامحيني عن كل شي عملته او قلته الك

❤بحبــــــــــــكم كلكـــــــم ❤

❤و بتمنى ان ماتنسوني ❤

في أمان الله و رعايته

مريووومة اعطينى احستبهاا ع فيس حبييتى

اعطبنى ربط من اسمهااا

ما عندي اي استعداد لحتى ابقى معكم

و فوق كل هالشي
رح تحسسوني اني غريبة منكم (متل صديقاتي اللي كنت بدرس معهم) تعرفوا ليش ؟؟؟
لاني متأكدة ان رح تقولوا لي :
مرحبا سوسو كيفك ؟ و كيفها صحتك ؟؟؟
و هالكلمتين "كيفها صحتك" ينرفزووووني فهمتوووا
تحسسني و كأنكم عم تشفقوا علي
و كمان انا بعرف ان في ميين ما بيحبني بهالمونت

نوسي و انا كمان كنت حابة اتعرف عليكي اكتر بس مافي نصيب مع الاسف

على فكرة
انا دخلت بس مشان ديووووومتي وبس

سلاااااااام

لالالا سارووونتي ويا دلووعتي والله انصدمت بهالخبرر

ليش هيك ياااااربي
سوسوو ليش شوفيها لو اشفقنا عليك؟هاد بيعني اننا نحبك وبس

طيب بما انه قرارك نهائي يبقى مع السلامة واهتمي منيييح في حالك والله يشفيك عزيزتي الله يخليك ما تنسينا وما رح ننساك ورح اتذكرك بالخير بس وكمان راح اددعيلك خير وبس يا عمري الله يحميك ابكي

لالالا ايش هالكلام سوسو حرام عليكي كيف تحكي هيك بجد زعلتيني والله
ياري تتراجعي عن قرارك واذا هذا قرارك النهائي الله يوفقك بحياتكي ويسعدك دنيا واخرة وكلمتي الاخيرة والله حبيتك من يوم ماشفتك واذا اخطات مرة معك فبتمنى تعذريني والله مو قصدي

وان شاء الله ترجعيلنا وماترووحي

والله انا مابعرفك وما حصلي الشرف اتعرف عليكي بس اتاثرت بكلامك كتييييييير والله يشفيكي يارب وبتمنى تبقي سلام حبيبتي

لييييييش هيييييك ؟؟؟
ليش جوهرتنا الغالية اتخذت هذا القرار المفاجئ ؟؟!!!!؟؟؟
أتعلمين أنتِ لستِ جوهرة ..!!
نعم ..!!
أنتِ أغلى من كل جواهر الدنيا ..
فبأخلاقك واحترامك للآخرين .. زرعتي حبك في كل القلوب ..
فأصبح كل من يعرفك .. ومن لايعرفك ..
يتمنى أن يقضي ولو لحظة معك ..
جعلتيهم يحبونك بأخلاقك الحميدة وتعاملك الرائع معهم ..
فهناك الكثير غيرك يتمنى أن يجعل ولو شخصاً واحداً يحبه ..

نعم سارونتي .. أنتِ لاتُقَدَرين بثمن .. وإن غبتي عن هذا المنتدى .. لاتعوضين أبداً ..
فقد كان لكِ في كل موضوع و رد .. رونق خاص ..
تزرعين ورودك بتفنن .. وتصنعين منها أريجاً رائعاً .. يعطر هذا المنتدى ..
وببريقك الفتان .. أضأتِ هذا المكان .. وزينتي كل قسم بطلتك البهية ..

بعدين حبيبتي .. حتى ولو أنتِ معاقة .. هذا الشي مابينقص من قدرك وقيمتك ..
الجوهرة تبقى جوهرة .. وإن طال بها الزمن ..
فأنتِ أثبتي للكل .. أنك مثال للصبر والإبداع والأخلاق الرائعة ..
وحكاية إنك معاقة .. مابتأثر على المنتدى .. بالعكس ..
هذا الشي يزيدنا فخراً أن هناك أشخاص يحملون عقولاً مثلك يتواجدون معنا هنا ..
ويثبتوا للكل أنهم ليسوا معاقين أبداً ..
فهناك أناس كثيرة معاقة .. ولكنها ليست معاقة جسدياً .. بل معاقة عقلياً ..

أدري إنك ماتعرفيني .. بس أنا أعرفك ..
كل ماأقرأ موضوع من مواضيعك .. يزيد احترامي وتقديري لك ..
وكنت أتمنى إني أتكلم معك .. ولكنني الآن أشعر بتقصيري ..
فقد ندمت أشد الندم .. لأنني أضعت هذه الفرصة ..
وأضعت فرصة مرافقة صديقة مثلك ..
فهاأنتِ فتحتي هذا الموضوع ليكون سبيلاً للتعبير عن مشاعري تجاهك ..
والذي جعلني أحترمك أكثر .. هو اهتمامك بالآخريات في هذا المنتدى ..
من حيث انتقاداتك واقتراحاتك .. فقد كنت أقرأ في كل سطر تكتبيه ..
حب ينبع من القلب لهذا المنتدى .. وغيرة على هذا المنتدى ..
فقد كنت أرى فيك تلك الفتاة المحبة لغيرها .. وتتمنى الخير للكل ..
تريد وبكل قوتها أن تجعل هذا المنتدى راقياً ومتميزاً ..

ٍسارونة .. أحببناك وسنظل نحبك للأبد ..

فأنا أتمنى من كل قلبي أن لاتغيب هذه الجوهرة الثمينة عن منتدانا ..
وخصوصاً بعد ماعرفنا حكايتك ..
فقد زاد قلبي شغفاً بأن تظلي معنا وتستمري ..
وتشاركي في تميز ورقي وتقدم هذا المنتدى ..
ويكون لكِ دور بأن تزرعي البسمة على شفاه الكثيرين ..
وأن تزرعي بصمة في داخل كل شخص فينا ..
فنحن نحتاج لمن هم مثلك .. ليعلمونا الصبر والحكمة والإبداع ..

فهذا رجائي الخاص لك .. أن تستمري ولاتطفئي نورك عنا ..
وتقفين أمام كل جدار وحاجز يعيقك .. وتقولين له ..
أنا لست كذلك .. أنا من عرفني الزمن لست كغيري ..
أملك من الأخلاق والأحاسيس مما لايملكونها ..
وسأواصل مشواري .. ولن أدع الدنيا تكدر علي حياتي ..
وسأستمر في تقدمي .. وأزيد من إصراري ..
فأنا لستُ أنتم .. أنا من عجز الزمنان أن يصفني ..

عـآإشـقـتـك المخـفـيـةة :: غـديـر ::

مسامحينكــ أختي بس والله انصدمت كتير لما قلتي انكــ.....

والله آسفهـ كتيرر سوسو بتمنى انتي كمان تسامحينا حبيبتي وراح نشتاق الكـ كتير كتير الله يشفيكي

وان شاء الله تكوني دايمآ مبسووطه وان شاء تحققي الي بدكـ اياه

صحيح انتي مش صاحبتي

بس بقولك كلمة لو انتي تحبين صديقاتك من صدق لا تتركيهم لان الفراق صعب
ومافيها الاعاقة شي بالعكس كبرتي في عيني اكتر واكتر

بالتوفيق حبيبتي في حياتك
و الشفاء من عند الله
مع أغلى تحياتي إلك
مع انو ما بعرفك
بس كلامك اثر في

يا الله ما لتقينا حتى باش نتعرف قلوب حمراء

اول يوم ادخل فيه الاقى حبيبتى طلعت ابكي

سارونتى والله زعلت كتييير من هالقرار

الله يشفيكى حبيبتى

وبالتمنى لك السعادة بحياتك

الوداع ياحبتي

الودااااااااااااع سوسو

الودااااااااااااااااااااااااااااااااااااااع
احبببببببببببببببببببببببببببببببببببببك
من اول يوم سجلت بالمنتدى كان الك تالق وابداااااااااااااااع كتييير كتيير كبير
نتمنى انك تضلي معنا لكن للاسف انت ماقبلتي