السلام عليكم
تفضلو الكلمات اتمنى تعجبكم

      
وإحنا عيال فـ مسجدنا كان الاخوة بيحكولنا عن الناصر صلاح الدين
وكانت سيرته قدامى تعاكسنى تزغلل عينى ببطولة شبه حطين
وبرسم صورة أنا لنفسي ودرعى رافعه بشمالى وسيفى فى الدراع اليمين
وسايق أسرى قدامى لاففهم طرف بلجامى وأخلى الناس ينادونى يا عزالدين
وأقول ميتى اللحى تطلع وأجهز زادى أنا وأطلع ولا أرجع
إلا والرايه عليها اسمى وتحتيها صلاح الدين

وعدى الشهر والتانى وكان الحلم ياخوانى كما الزيبق ،، بيتفلت ويتمايع
على الشاشه وفى الجورنان تبص فوشي تلقىٰ شطان بيتلون ويتلاوع
بقا إسمى فى وسط الناس متأسلم وبمشي يا ناس فى عرض الحيط عشان اسلم ولا نافع
لقيت نفسي بغير خطة الهجوم يادوب اللقمة باكلها وبلحق أقوم عشان عن عرضى انا ادافع
فى أى مكان ماتعدم حد يشتمنا وممكن حتى يحبسنا يحاصرنا فى باب جامع
وبعدما كان تشوف حلمى من الأقصى وأنا راجع بقى حلمى أصلى فى زاوية عالشارع

عشان مين !؟
عشان مين يا ابن بطن أمى تعاتب أخوك بقناصه
وتفرح لو تشوف دمى وتطفى حياتى برصاصة
بلاش الضحكة يا شامت ماتضحكهاش عشان الدم مابينساش ، بتضحك ضحكة خوافه
ولما تلاقى جثة أخوك ماتحرقهاش و ماتشيلهاش بس كمان ماتكنسهاش بجرافة
وبدل ما تتراجع وتندم عاوزنى أطبلك وأغنيلك
أغنيلك إيديك تسلم !؟ حاضر ،، هغنيلك
لكن يا ريت قبل أما تسمعها تغسل دمى من إيدك

إلا بصحيح
ليه كل عشاق البيادة تحسهم مالهومش قلب !؟
ليه كل أمراض العبادة لا تلقى ليها فى يوم عيادة ولا حتى نافع فيها طب !؟
ممكن تقولى يا نص راجل قتلت ديا بأى ذنب !!؟
ليه تحرم الواد حضنها !؟ ده إنت قتلته قبلها وقتلت قبله ألف شاب
أيوة بصحيح أصلى نسيت إن إنتوا شعب وإحنا شعب

بس إحنا شعب ما بيطاطيش يمكن يموت علشان يعيش
إحنا معانا ربنا وإنت معاك شرطة وجيش
إحنا الكرامة بترتوى من دمنا وإنت شايفها ماتساويش
فماتِدِّعيش
عشان إنت متأكد وعارف إنى فى الإرهاب ماليش
والجيش ده مش جيشك لوحدك ، إنت تقصد أنهو جيش !؟
أخويا متجند حداكم وليا عمى باش شويش
تعرف كمان !! أنا ليا صاحب مالعساكر اللى ماتوا فى العريش
فماتاجرش بدمهم
فماتاجرش بدمهم لأن فيه غيرهم كتير ماتوا برصاصك زيهم
طول عمر شعب بلدنا واحد الهم واحد الفرح واحد والمولى رب الكون بحاله مش بس ربى وربهم
فبلاش تولع كام كنيسة عشان تفرق جمعهم
عشنا بعد الثورة من غيرك شهور ، فيه حد قرب منهم !؟
إشمعنى لما إنت بتظهر بنسمعوا عن حد يقتل أو يفجر !؟
قبليك عملها كام طاغوت ، بس مين !؟ كان غيرك أشطر
إلا قولى
إيه اللى ممكن يتعبك فى أربع صوابع وتشيرت أصفر
ماتقوليش خلاص روح ما عاد ينفع
ده شيخى لو يرجعنى ماراح أرجع
ولو صوت الرصاص ينبح ماراح اسمع
خلاص إزاى !؟
و لون الدم بكفاية
تعبنا ذل وشكاية
كل الناس تدوق المُر بالقطرة
وإحنا يا ناس بنستعطاه فى كوباية

فياللى اغتالت واد عمى وناوى تقضى على حلمى قتلت الألف والمية
رسالة عليها ختم أمى قالتلى ولو يسيح دمى أنا مكمل بسلمية
عبدالله الشريف.....

كلمات رااااائعة يسلمووووووو حبيبتي شكرااااا


بارك الله فيك

منورة امونة
تسلمى حبيبتى

كلماات راائعة مشكوورة حبي